VIDEO/ Partizani, tripletë Teutës dhe komandon Superioren

Partizani ka mposhtur Teutën me rezultatin 3-0 në takimin e vlefshëm për javën e 7-të të Kategorisë Superiore. Një fitore bindëse për skuadrën e Skënder Gegës, që tashmë komandon Kategorinë Superiore në kuotën e 16 pikëve.

bandicam 2018-10-03 18-23-28-112

Dopieta e Asanit në pjesën e parë dhe goli i Mensah në minutën e 81-të i siguroi fitoren të kuqve, të cilët e dominuan takimin, përballë një Teute in-ekzistente, që krijoi shumë pak.

 

 

bandicam 2018-10-03 17-15-47-895

PARTIZANI-TEUTA 3-0

Asani 29′, 42′, Mensah 81′

KOMENTI LIVE: 

Përfundon takimi. 

89′ Hila provon me një gjuajtje të bukur drejt portës, por grushton Hidi, i cili e largon topin në këndore.

81′ GOOOOOL PARTIZANI 3-0. Mensah shënon golin e tretë, pas asistit perfekt të Bardhit. 

79′ Zëvendësim i tretë te Partizani, largohet Mala në fushë koreano-veriori So.

74′ Zëvendësimi i dytë te Partizani, largohet autori i 2 golave, Jasir Asani, në lojë Emanuel Mensah.

65′ Zëvendësim te Teuta, largohet Progni, në fushë Traore.

64′ Zëvendësim te Partizani, largohet Hebaj në fushë Çinari.

63′ Progni godet me bryl Hilën, gjyqtari e fal, duke mos e ndëshkuar.

60′ Asani provon me një goditje të rrezikshme brenda zonës, por pret Hidi.

57′ Partizani rrezikon me Hilën që harkon bukur në zonë, por Hakaj largon rrezikun në këndore.

52′ Bardhi merr një top të bukur nga e majta, provon të gjuaj fluturimthi, por jashtë kuadratit.

48′ Të kuqtë ushtrojnë presion të vazhdueshëm në portën e Teutës.

46′ Starton pjesa e dytë, Shkëmbi kryen 2 zëvendësime, largon Gashin dhe Avdylin, në fushë Kruja dhe Vila.

Përfundon pjesa e parë 2-0. 

45′ Akordohet 1 minutë shtesë.

Loading...

42′ GOOOOL PARTIZANI 2-0. Jasir Asani shënon golin e dytë. Hila i rrëmben topin Avdylit dhe pason bukur për Asanin nga e djathta, i cili nuk fal duke tundur për herë të dytë rrjetën e Hidit. 

39′ Rrezikon Atanda me mbajtjen e topit në zonë, por për fatin e mirë të tij nuk kanë përfituar durrsakët.

38′ Hakaj ndëshkohet me karton të verdhë për protesta ndaj gjyqtarit Sino.

37′ Telushi ndëshkohet me karton të verdhë për ndërhyrje të gabuar.

34′ Avdyli provon me një gjuajtje të rrezikshme nga goditja e dënimit, topi përfundon ngjitur me shtyllën.

29′ GOOOL PARTIZANI 1-0. Gjuajtja e Asanit nga goditja e dënimit çahet muri i Teutës dhe përfundon në rrjetë. Goli i dedikohet mbrojtësit Bitri, i cili po vuan një dëmtim. 

25′ Rast i mirë për Teutën, por Gashi nuk e merr siç duhet topin.

25′ Goditje dënimi për Partizanin, provon Bruno Telushi, por topi shkon në duart e portierit Hidi.

22′ Osmani gabon duke i dhuruar një top Bardhit, por sulmuesi nuk e shfrytëzon duke e humbur sërish topin.

16′ Latif harkon një top të rrezikshëm, nuk arrin ta devijojë me kokë Progni te pika e penalltisë.

13′ Mungojnë rastet e rrezikshme në portat kundërshtare.

7′ Teuta provon të rrezikojë në zonën e Partizanit, por pa sukses.

5′ Osmani nis një top inë zonën kundërshtare, por Hoxha del i qetë dhe kontrollon para Sidibes.

1’ Menjëherë një goditje nga këndi për Partizanin, por gardiani arrin të ndalë mirë harkimin në zonë.

1′ Ka nisur takimi.

Formacionet zyrtare:

Partizani: Hoxha, Atanda, Trashi, Belica, Ibrahimi, Hila, Telushi, Mala, Asani, Hebaj, Bardhi. Trajner: Skënder Gega.

bandicam 2018-10-03 16-31-47-242

 

Teuta: Hifi, Latif, Avdyli, Bicaj, Gashi, Gijorgievski, Hakaj, Kallaku, Osmani, Progni, Sidibe. Trajner: Bledi Shkëmbi.

bandicam 2018-10-03 16-32-15-802

 

Loading...
You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.