Sokol Balla: Të njëjtët persona duan të djegin Shqipërinë

Gazetari Sokol Balla thotë se prej 30 vitesh, të njëjtat grupime politike duan që vendi të digjet vetëm që dikush të ikë nga pushteti. E njëjta gjë sipas tij, ndodhi në vitin 1997 dhe e njëjta gjë po ndodh tani.

“Kemi 26 vjet që nga koha kur ishim bashkë në Partinë Demokratike. Mjekra ime dhe flokët e tua janë më të vlefshme se demokracia shqiptare sot. Ne të dy kemi bërë përpjekje brenda Partisë Demokratike dhe jashtë saj. Qëllimin e mirë besoj se ty dhe mua nuk e vë kush në dyshim.

Janë të njëjtit njerëz, ata që donin të digjej Shqipëria në vitin 1997 vetëm që të ikte Sali Berisha nga pushteti. Dakord që digjej Shqipëria, po ne ku do të jetojmë?

Sapo kthehem nga Libani, një vend 10 mijë kilometër katror. Një vend në kufi me Izraelin me të cilin ka luftuar gjithmonë dhe me Sirinë që ka bashkëpunuar gjithmonë. Atje janë vrarë kryeministra dhe jeta ka vazhduar. Kanë optimizëm. Ata nuk duan që vendi i tyre të shkatërrohet, ndërkohë që ne kemi të njëjtat emra, të cilët janë gati që gjithçka të digjet vetëm e vetëm të ikë Edi Rama nga qeveria. Janë politikanë, gazetarë.

Shqipëria pas 4 vjetëve, për shkak të PP-ve, ndoshta vendi mund të kalojë një krizë të thellë ekonomike, por aktualisht kemi rritje prej rreth 4%”, u shpreh ai.

I pyetur për nga Mustafa Nano për një përplasje të mundshme civile gjatë zgjedhjeve, Balla iu përgjigj: “Unë nuk besoj se do të ketë njerëz që do të sulmojnë qendrat e votimit dhe njerëz që i mbrojnë ata”.

Balla u ndal edhe tek reforma në drejtësi, duke i konsideruar klithma dëshpërimi ata që janë kundër.

“Këto janë klithma dëshpërimi të atyre që do të ndodhë pas disa muajsh me krijimin e Gjykatës Speciale, Gjykatës Kushtetuese, Gjykatës së Lartë. SPAK-u nuk do të kursej asgjë. Kjo është bukuria dhe brutaliteti. Ka edhe nga ata nga PS që kanë më shumë frikë se ish-ministrat e PD-së. Aty nuk do të shihet nëse dikush është i PD-së apo i PS-së. Ata duhet të kenë shumë frikë”, u shpreh ai.

I pyetur për zgjidhjen e krizës aktuale, Balla tha që të bëhet edhe Basha kryeministër për të përgatitur zgjedhjet e vitit 2021.

“Të ishin dy kryeministra, Rama dhe Basha. Jo të dublonin njëri-tjetrin, por të kontrollonin njëri-tjetrin. Të krijohej një koalicion i gjerë që të përgatiste vendin për zgjedhjet e vitit 2021. Kjo është e dy kryeministrave është “një sajesë” shqiptare për të çuar vendin në zgjedhjet e vitit 2011. Ti nuk mund ti thuash Edi Ramës të ikë, sepse në momentin kur i thua ti je shumicë. Ata nuk duhet të ndajnë pushtet, por përgjegjësi”, u shpreh ai.

Loading...
Të ngjashme

Leave A Reply

Your email address will not be published.

This site uses Akismet to reduce spam. Learn how your comment data is processed.