Qëlloi me kallashnikov, arrestohet në kohë 24 vjeçari

Një 24 vjeçar ka përfunduar në prangat e policisë së Shkodrës, pasi ka qëlluar me armë zjarri në ajër në zonën e Dukagjinit.

5153d461-13e8-4a1c-a357-f1e645fa8f80

I arrestuari duke treguar armën

Pas telefonatave nga banorët, forcat e rendit kanë ndërhyrë duke e arrestuar të riun banues në fshatin Theth.

Bashkë me arrestimin, policia ka sekuestruar edhe një armë zjarri kallashnikov.

Njoftimi:

Telefonata në 112 nga banorët dhe reagimi në kohë i Policisë vuri në pranga 24-vjeçarin për armëmbajtje pa leje dhe prishje të qetësisë publike, duke krijuar panik tek banorët dhe pushuesit.

Qëlloi me armë zjarri automatik në ajër, kapet në flagrancë nga Policia e Shkodrës, së bashku me armën kallashnikov, me një krehër me fishekë.

Nga strukturat e policisë së Shkodrës, falë reagimit të shpejtë, u arrestua në flagrancë shtetasi K. H. 24 vjeç, banues në fshatin Theth, Shkodër.

Mbrëmjen e djeshme, në sallën operative të Policisë në numrin 112 ka ardhur telefonatë se në qendër të fshatit Theth, Shkodër një person po qëllonte me armë zjarri në ajër, duke krijuar panik te banorët dhe pushuesit.

Shërbimet e Policisë kanë reaguar me shpejtësi e profesionalizëm dhe falë bashkëpunimit të banorëve, bënë të mundur identifikimin, lokalizimin dhe kapjen në flagrancë të 24-vjeçarit, bashkë me armën e zjarrit kallashnikov, me një krehër me fishekë.

Materialet iu referuan Prokurorisë së Rrethit Gjyqësor Shkodër për veprat penale “Mbajtja pa leje armëve luftarake  dhe municionit” dhe “Prishja e qetësisë publike”.

Loading...
Të ngjashme

Leave A Reply

Your email address will not be published.

This site uses Akismet to reduce spam. Learn how your comment data is processed.