Negociatat/ Gazment Bardhi: I vetmi lajm i mirë në muajin tetor është që Edi Rama, nuk do të…

Sekretari i Përgjithshëm i Partisë Demokratike, Gazment Bardhi shkruan se Edi Rama është i vetmi kryeministër që në botë që një lajm të keq për vendin e quan pozitiv.

Teksa reagon pas vendimit që Këshillit të BE-së që për hapjen e negociatave vendimi të merret në muajin tetor, Bardhi thotë se i vetmi lajm i mirë në muajin tetor, është largimi i Edi Ramës nga posti i kryeministrit.

 

Reagimi i plotë i Bardhit:

Edi Rama është kryeministri i vetëm në botë që një lajm të keq për vendin e quan lajm pozitiv, duke thyer edhe rekordin e një viti më parë, kur gënjeu shqiptarët se negociatat u hapën.

Shtyrja e vendimit të Bashkimit Europian për nisjen e negociatave me Shqipërinë për të tretën herë me radhë, nuk ka asgjë pozitive. Edi Rama e di shumë mirë se, nëse ai do të vazhdojë të jetë në krye të vendit, dera e Evropës për shqiptarët, do të qëndrojë e mbyllur.

Evropianët nuk pranojnë në familjen e tyre një hajdut votash si Edi Rama, një hajdut taksash si Edi Rama, një hajdut pasurish kombëtare si Edi Rama.

Me zgjedhje të vjedhura në pakt me krimin dhe me korrupsion të frikshëm si ky i qeverisë së Edi Ramës, vendi ynë do të mbetet i izoluar, i fundit për nga ekonomia, i fundit për nga zhvillimi.

 I vetmi lajm i mirë në këtë histori 6 vjeçare mashtrimesh dhe vjedhjesh të Edi Ramës, është se në tetor, kur Europa të vendosë për ne, ai nuk do të jetë më kryeministër dhe Shqipëria do të ketë hyrë në rrugën e duhur për nisjen e negociatave të anëtarësimit, duke siguruar hapin e parë për Shqipërinë si gjithë Europa – zgjedhjet e lira e të ndershme.

Loading...
Të ngjashme

Leave A Reply

Your email address will not be published.

This site uses Akismet to reduce spam. Learn how your comment data is processed.