Kikia: Ç’keni me Shehin, Nano pinte një shishe Whisky e mblidhte qeverinë, Dashi e jeton jetën siç do

Kikia thotë se deklarata e Muçit për Shehin, ku i thoshte dje në Opinion se kishte ‘kthyer ndonjë gotë’, është fyerje. Ai kujton një legjendë urbane, por për ish-kryeministrin socialist Fatos Nano, që thonin se pinte një shishe Ëhisky e më pas mblidhte qeverinë.

Featured image of article: Kikia: Ç’keni me Shehin, Nano pinte një shishe Whisky e mblidhte qeverinë, Dashi e jeton jetën siç doMustafa Nano, publicist, Mentor Kikia, gazetar dhe Dash Shehi, politikan

Gazetari Mentor Kikia është bërë pjesë e debatit në rrjet për fotot që u bënë virale të liderëve politikë, Rama e Basha, duke fjetur gjumë në avionë, por edhe të sherrit Mustafa Nano- Dash Shehi.

Në një postim në rrjetet sociale, Kikia thotë se deklarata e Muçit për Shehin, ku i thoshte dje në Opinion se kishte ‘kthyer ndonjë gotë’, është fyerje. Ai kujton një legjendë urbane, por për ish-kryeministrin socialist Fatos Nano, që thonin se pinte një shishe Whisky e më pas mblidhte qeverinë.

“Të fyesh Dash Shehin, që ka patur poste të larta qeveritare dhe jeton modestisht, është fyerje për ndershmërinë njerëzore. Dhe përse e fyejnë? E fyejnë duke i thënë se pi raki me shokët? Edhe unë e kam pas pirë, dhe e shijoja mrekullisht edhe bisedën edhe shoqërinë. Edhe? Po Nanon që e lavdëronin, se pinte një shishe Wisky, e shkon në mbledhje të qeverisë pa iu dridhur këmbët.”-shkruan Kikia. 

Reagimi i plotë i Mentor Kikisë:

Perversitet publik!
Gjëja më pa vlerë që kam vënë re këto ditët e fundit është sarkazma e madhe, në rrjet , por jo vetëm, me Bashën dhe Ramën që ishin fotografuar nga “pasagjeri dixhital” duke fjetur në avion. Bashën e akuzuan se ia fut gjumit në qiell, ndërsa në tokë opozita proteston.

Ndërsa Ramës ia bënë analizat dhe zbuluan se gjumi kishte ardhur si pasojë e overdozës.
Më falni, kush ka patur rastin të udhëtojë(fluturojë), çfarë bëhet tjetër në avion? Ose lexohet, ose bëhet muhabet kur fqinjin e njeh, ose flihet, kur të vjen gjumë. Madje të gjithë përpiqen të flenë, edhe pse jo të gjithë ia dalin. Në avion nuk protestohet, nuk mbahen fjalime, nuk bëhet vrap, nuk bëhen mbledhje, nuk këndohet.

Tjetra, edhe më e shëmtuar, është të bërit lajm duke fyer dikë. Dhe ky është Dashamir Shehi. Eshtë një nga politikanët më realistë, më të ndershëm, më me këmbë në tokë, më i drejtëpërdrejtë. Të fyesh Dash Shehin, që ka patur poste të larta qeveritare dhe jeton modestisht, është fyerje për ndershmërinë njerëzore.

Dhe përse e fyejnë? E fyejnë duke i thënë se pi raki me shokët? Edhe unë e kam pas pirë, dhe e shijoja mrekullisht edhe bisedën edhe shoqërinë. Edhe? Po Nanon që e lavdëronin, se pinte një shishe Wisky, e shkon në mbledhje të qeverisë pa iu dridhur këmbët.

Të fyesh Dash Shesin pse e jeton jetën ashtu siç i pëlqen atij, është njësoj si ti thuash një ish ministri: Shiko çfarë burri model. Ka tre hidrocetrale, dy inceneratorë, dy landfille, nja dy koncensione dhe ca miliona Euro për pare xhepi. Po si nuk e shikon të pijë një gotë more, po fare. Ka lezet!

Loading...
Të ngjashme

Leave A Reply

Your email address will not be published.

This site uses Akismet to reduce spam. Learn how your comment data is processed.