Deputetja e Bashës Fatbardha Kadiu ankohet për Pekën

Fevzo ‘peshkon’ deputeten e Bashës. Fatbardha Kadiu ankohet për filmimet private

Një deputete e Partisë Demokratike e quajtur Fatbardha Kadiu, e listuar në Durrës,  ka bërë sot një reagim të pazakontë. Deputetja thotë se do hedhë në gjyq gazetarin Çim Peka, pasi sipas saj Peka ka shpifur publikisht ndaj saj.

Statusi i deputetes Kadiu

Ditët e fundit në një prej emisioneve televizive, të cilin e ndoqa vetëm pasi u njoftova, gazetari Çim Peka publikisht më ka shenjuar si një ndër deputetet e PD që paska votuar Gramoz Ruçin.
Mu referua si ‘e dyta e listës së Durrësit’.
Pa asnjë motiv për të gjykuar në cilin numëror është ky gazetar në listën e gazetarëve të ndershëm dhe transparent sepse këtë e gjykon me aq sa i lejohet publikut, theksoj që nuk përfaqëson asnjë institucion që gjykon apo prodhon të vërtetën.
Ky gazetar si çdo kush tjetër pas kësaj akuze do të përballet me insitucionet e drejtësisë nga ana ime për shpifjen që kreu publikisht.

Por deputetja e re demokrate duket se ka rënë në grackën e disa filmimeve aspak publike, por tërësisht private të cilat realizohen në studion e ‘Opinion’ kur në TV shfaqen reklama dhe kur panelistët diskutojnë në mënyrë private dhe jo publike.

Deputetja demokrate Kadiu pretendon se deklaratat e Pekës janë publike, por në fakt ato janë deklarata private dhe jo publike, të filmuara me kamera të fshehtë dhe të transmetuara në një rubrikë argëtuese.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.